0
0
ROJNEWS/SILÊMANÎ
Îro saet 05:30’ê sibehê şandeke din a jinan ji bajarê Silêmanî ber bi Rojavayê Kurdisatnê ve birêket.
Şande ji jinên Başûr, Bakur û Rojhilat pêk tê. Di nava şandeyê de malbatên şehîdan, RJAK, Yekîtiya Jinan, Tevgera Goran, Çalakvanên Siyasî, Rojnamevan, Tevgera Azadî û xwendekar hene.
Jinên 3 parçeyên Kurdistanê ku hejmara wan ji 25 kesî zêdetire, armanca wan ragihandina piştgiriya xwe ji berxwedana serdemê û bi heman mebestî jî li gel jinên berxwedêr yên Rojava û Efrînê pêşwazî kirina 8’ê Adarê ye.
Peyama sereke ya vê şandeya jinan jî dayîna yekîtiya netewî ya jinên Kurd e ku ji her beşeke Kurdistanê pêk tên.
Biryare îro êvarê şande bigihije deriyê sînor yê Pêşxabûr-Sêmalka. Wê şandeyeke Rojavayê Kurdistanê jî ji aliyê deriyê Sêmalka ve pêşwazî li şandeyê bikin.
Dayîk û bavê Şehîd Başûr Soran yê ji bajarê Hewlêrê li Berxwedana Serdemê ya Efrînê de şehîd bûbû jî tevlî şandeyê bûn û li gel şandeyê berê xwe didin Efrînê.
Çavkanî: www.rojnews.org/ku/
