‘Li dijî tundiya mêr em ê li her derê li berxwe bidin’

STENBOL – Meclîsa Jinê ya HDP’ê di çarçoveya kampanyaya “Têkoşîna Jinê li Her Derê ye” li ber Edliyeya Anadoluyê ya Stenbolê hatin gel hevdu. Jinan peyama têkoşîna li dijî mêr-dewletê dan.”

Meclîsa Jinê ya HDP’ê di çarçoveya kampanyaya “Têkoşîna Jinê li Her Derê ye” li ber Edliyeya Anadoluyê ya Stenbolê hatin gel hevdu. Parlamentera HDP’ê Tulay Hatimogulari jî di nav de jinan pankarta bi nivîsa “Têkoşîna Jinê li Her Derê ye” û wêneyê Parêzer Ebrû Tîmtik a di rojiya mirinê de ye hilgirtin.

Zuleyha Gulum a ku mafê axaftinê girt wiha got:”Polîtikayên îktidarê yên ku jin zarokan hedef digirin di pêvajoya pandemiyê de jî dewam kirin. Bi rêya pakêta înfazê  ya bi dengên AKP-MHP’ê derbas bû mêrên sûc kirine serbest hatin berdan. Lê siyasetmedar nehatin berdan. Zarok di pêvajoya pandemiyê de jî li girtîgehan hatin girtin. Zagonên dewletê di warê edaletê de ne wekhev e.”

Piştre li ser navê Meclîsa Jinê ya HDP’ê Munever Berk daxuyanî xwend û wiha got:”Bi zagona înfazê sûcdar derketin derve û dîsa sûc û tundî kirin. Wekî her qadên jiyanê li girtîgehan jî jin di nava şerdên dijwar de ne. Binpêkirina mafan a li girtîgehan zêde bû.”

Muneverê da zanîn ku ew ê li her qadên jiyanê têkoşîna xwe bidomînin û wiha got:”Ji bo mirinên bi guman ên jinan zelal bibin, ji bo em aqûbeta jinên winda diyar bikin, ji bo newekheviya zagona înfazê bi dawî bibe, ji bo parastina mafên girtiyan ên tendirustiyê em ê têkoşîna xwe bidomînin. Li dijî tundiya mêr em ê li derê li berxwe bidin.”

Daxuyanî bi dirûşman bi dawî bû.

Çavkanî: http://jinnews.com.tr/kr